Ang anak ni Jose Maria del Mar, kanhi usa ka journalist, writer ug publisher kaniadto sa Cebu Spanish-language newspaper nga La Prensa, mitaliwan na usab. Mitaliwan niadtong Lunes sa gabii, Nobyembre 16, si Kongresista Raul V. del Mar sa edad nga 79 anyos. Siya nag-alagad isip representante sa Cebu City north district. Napili ug miserbisyo siya sukad pa niadtong 1987, unang eleksiyon human sa Edsa People Power Revolution nga wala makaagi og kapildihan bisan dihay mga eleksiyon nga sikat nga mga artista ang iyang mga kaatbang.
Mosumada og 27 ka tuig ang
pagserbisyo ni Del Mar sa iyang distrito. Sa dihang natapos niya ang una niyang
termino, equivalent og 9 years, ang iyang anak nga si Dr. Raoul “Ranny” Del Mar
ang nipuli kaniya balig usa ka termino, equivalent og 3 years. Mibalik siya og
lansar ug midaug. Sa dihang natapos na usab ang iyang termino, ang iyang anak
nga si Rachel “Cutie” Del Mar mao usab ang mipuli kaniya. Anaa na unta si Del
Mar sa iyang katapusang termino karong 2022.
Si Del Mar giila nga “Kampeyon sa
Media” tungod sa pagpangamahan niya sa Cebu Press Freedom Law ug expanded Sotto
law ug sa uban pang mga butang ug mga kalihokan nga may labot sa media uban sa
pagtambayayong sa Cebu Citizens-Press Council (CCPC). Si Del Mar mao ang
principal author sa Republic Act (RA) No. 11122 nga giaprobahan ni Presidente
Rodrigo Duterte niadtong Oktubre 30, 2018 nga nagdeklarar sa Septyembre 21 sa
matag tuig nga usa ka working holiday sa syudad sa Sugbo ug sa tibuok lalawigan
sa Sugbo, ang adlaw nga pagailhon nga Cebu Press Freedom Day.
Siya ang nipasaka sa orihinal nga
balaudnon nga gipasar isip RA No. 114581 niadtong 2019 nga nagpalapad sa Sotto
Law, RA No. 53 nga gipasar niadtong 1946 nga naghatag og proteksyon apil na ang
tanang mga sakop sa media. Ginganlan kini’g Sotto Law agi’g pasidungog sa
author niini, ang Sugbuanong senador nga si Vicente Sotto, apohan ni Senate
President Vicente “Tito” Sotto III.
Kining maong balaod proteksyon sa
mga tigbalita nga di sila mapugos sa pagbutyag sa tinubdan sa ilang balita.
Apan kining maong proteksyon alang lang sa print media, way labot ang broadcast
media. Giamendahan kini niadtong 1956 sa RA 1477 ug giilisan ang phrase nga
“interest of the state” ngadto sa “security of the state.” Gidugang usab ang
phrase nga “without prejudice to his liability under the civil and criminal
laws.”
Ubos sa RA No. 114581 nga
gipangamahan ni Del Mar, mao na kini karon ang balaod, “Without prejudice to
his liability under the civil and criminal laws, any publisher, owner, or duly
recognized or accredited journalist, writer, reporter, contributor, opinion
writer, editor, columnist, manager, media practitioners involved in the
writing, editing, production, and dissemination of news for mass circulation,
of any print, broadcast, wire service organization, or electronic mass media,
including cable TV and its variants, cannot be compelled to reveal the source
of any news item, report or information appearing or being reported or
disseminated through said media, which was related in confidence to the
abovementioned media practitioners unless the court of the House of
Representatives or the Senate or any committee of Congress finds that such
revelation is demanded by the security of the State.”
Ang orihinal nga Sotto Law
nagkanayon, “The publisher, editor or duly accredited reporter of any
newspaper, magazine or periodical of general circulation cannot be compelled to
reveal the source of any news report or information appearing in said
publication which was related in confidence to such publisher, editor or
reporter, unless the court or a House or committee of Congress finds that such
revelation is demanded by the interest of the state.”
